வே. பாபு கவிதை

நான்கு இட்லிகளும் ஒரு தண்ணீர்ப் பாட்டிலும் முதல் இட்லியோடு K தெருவின் 23ஆம் எண் வீட்டிற்குள் அவன் நுழைந்தபோது கோழிகள் கூடையினுள் அடைந்துகொண்டிருந்தன இரண்டாவது இட்லியோடு போனபோது அவை குப்பையைக் கிளறிக்கொண்டிருந்தன மூன்றாவது இட்லியோடு போனபோது அவற்றின் கண்கள் கேமராபோல் சுழன்றுகொண்டிருந்தன நான்காவது இட்லியோடு தண்ணீர்ப் பாட்டிலையும் எடுத்துச் சென்றபோது அவை அவனைப் பின்தொடர ஆரம்பித்தன அப்பொழுதிலிருந்துதான் நான்கு இட்லிகள் ஒரு தண்ணீர்ப் பாட்டிலை யார் எடுத்துச் சென்றாலும் அறம் அறம் எனக் கோழிகள் கூவ ஆரம்பித்தன.