"சாப்பாட்டு மேசைமேல்
தொலைக்காட்சியைப்
பார்த்ததுண்டா நீங்கள்
வாருங்களென் வீட்டுக்கு...
அழகிய நாற்காலிகளில்
புத்தகப் பைகள், பள்ளிப்பைகள்
உள்ளாடைகள் கூடக் கிடக்கலாம்...
குளிர்பதனப் பெட்டி மீது
போட்டோ ஸ்டாண்டை
எதிர்பார்த்தால்
ஏமாந்து தான் போவீர்கள்...
பழைய ரசீதுகளும்
பதிலெழுத மறந்த கடிதங்களுமே
வீற்றிருக்கும் தூசியோடு...
தொலைக்காட்சி பெட்டி மீது தூங்கும்
பிள்ளைகளின் பென்சில் டப்பா...
கொக்கிகள் சுவர் பார்க்க
சாவிகளைத் தேடுவது நித்ய
வாழ்க்கை...
மீனில்லாத கண்ணாடித்
தொட்டிக்குள்
மழிப்பு சமாச்சாரங்கள்...
வேடிக்கையாகவும் விநோதமாகவும்கூட
தோன்று முங்களுக்கு
அவதானிக்கையில் மாறுகிற
கலைடாஸ்கோப்பின் வடிவங்களாய்
அபத்தங்கள் நிறைந்த வாழ்வு..."
Subscribe to:
Post Comments (Atom)
No comments:
Post a Comment